Woh Baat Baat Mein Itna Badalta Jaata Hai,
Keh Jis Tarhaan Koi Wada Badalta Jaata Hai,

Yeh Arzoo Thi Keh Hum Us Kay Sath Sath Challain,
Magar Woh Shakhas Tu Rasta Badalta Jata Hai,

Jo Taiz Dhoop Mein Sar Par Raha Wohi Anchal,
Hawa Chali Hai Tu Kitna Badalta Jata Hai,

Ruttain Visaal Ki Aab Khawb Honay Wali Hein,
Keh Us Ki Baat Ka Lehja Badalta Jaata Hai,

Woh Baat Kar Jisay Duniya Bhi Moatbar Samjhay,
Tujhay Khabar Zamana Badalta Jaata Hai,

Yeh Arzoo Thi Keh Hum Uss Kay Sath Sath Chalain,
Magar Woh Shakhas Tu Raasta Badalta Jata Hai..!!

Gosha-e-zehan mai

bay rubt khialo’n kay hujoom

Chusm-e-tenhai say chun ker

wohi bay naam say ashk

Lamha-e-wasl kay us

aihad-e faramoshi ko

yaad kerta hai,

sisakta hai,

bilakta hai buhat

Aaj bhi dasht-e-musafat kay

Khatin rasto’n main,

jalti bhujti wohi

bay-naam rafaqat ki shuu’aa…..

Aariz-e-waqt ki surkhi

pay chalak perti hai,

Phir say milnay ki yah mohoom

talab aur tarap,

aaj bhi zehan kay gosho’n

mai chamak uth’ti hai.

Aaj bhi soch kay

angaar jazeeray main too,

Aankh kay noor mai too,

Dil kay sawairay main too,

Ajnabi shaam ki dum torti

barsaat mai too,

Hai lakeero’n ki terha sabt

meray haath mai too,

Meray hontoo’n ka tabassum,

Meray din raat main too

Hum kalaami ka koi waqiyaa

guzraa bhi nhi…………

phir bhi lagta hai kay

mojood hai her baat main too,

Mujh say waqif hi nhi teri tabyat lekin

Terz-e-inkaar main too,

Shewa-e-guftaar main too,

Too hi too hai meray atraaf ki

her shay main nihaa’n

Kabhi iqraar ka hasil

Kabhi inkaar main too,

Kabhi saaya………,

Kabhi sehra…........

Kabhi nazroo’n ka saraab

Kabhi shabnam…………,

Kabhi nighat…………..,

Kabhi rung-o-khushboo

Too meri neend,Mera khuwaab,

Meri subh-o-shaam,

Too musarrat,Too mera dukh,

Too mera sub kuch hai…!!

Too mera kuch bhi nhi’n….

Phir bhi mera sub kuch hai..

Too mera kuch bhi nhi’n….

Phir bhi Mera sub kuch hai………..!!!!!

Samandar Pochta Hay 
Ab wo Dono Kiun Nahi Aatay ..?

wohi dono ...jo bhegi rait per 
ik dosray ka hath thamay dor tak 

kabhi hanstay ..kabhi kuch gungunatay 
ya kabhi chup chaap bethey ....
door ufaq ki goud mein 
roposh honay wala suraj dekhtay ... 

Aur Aanso Bahatay Lout jatay Thay !

Samandr pochta hay 
ab wo dono kiun nahi aatay !

jo aatay thay to apnay sath 
kitnay khuwab latay thay ...

kabhi sahil say dheyron seepiyan chuntay thay ...
nangay paaon paani mein chalay aatay thay .... 

bhegi rait say nanHay gharonday bhe banatay thay ..!
aur un mein seepiyan rangee'n see
kuch sangrezay ..

yoon sajatay thay .... 
K jesay aaj k jugno say lamhay 
aanay walay kal ki mutthi mein chupatay thay ...



Samandr pochta hay 
ab wo dono kiun nahi aatay !

magr samandar ne 
khizaa'n ki siskiyan leti hoi 
ik shaam ko 

us nujawan ko nahi dekha ...jo deir talak 
sar E sahil ........raha betha 

phir us ne dheir saray khatt 
bohat say sokhay phool ...
or tasveerain ... 

Or Apnay Aakhri Aanso ....
Samandar K Hawalay Ker Diye Thay ...!!!

Samandar Pochta Hay 
Ab wo Dono Kiun Nahi Aatay !!

Teri yadoon ki mehak,

Sath liyay aksar hum ,

Door khwabon kay jazeeray main utar jatay hain,

Kyun kay main janta hon,

Hum aur tum

Sirf khwabon main hi mil saktay hain,

Mainay socha hai is baar tumharay humraah,

Aik aisi jaga utroonga,

Aur tumhain apnay paas bitha ker,

Aankhon main aakhain daal ker,

Bari himmat ker kay tum say keh donga,

Tumsay keh donga kay tum meri ho

Tum jo chahho to,

Meri yaktarfa mohabbat ko sahara day do,

Zindagi youn to bohat thori hai mohabbat kay liyay

Tum jitna bhi pyar mujhay day sako sara day do,

Kuch to bolo,

Kuch to bolo

Kahin aisa na ho kay sehar hotey hi hum wapis us dunya main lout jain

Bus yehi chund khayalaat liyay

Teri yadoon ki mehak sath liyay

Akser hum door khwabon kay jazeray main utar jatey hian

Kyun kay hum aur tum sirf khwabon main hi mil saktay hain..!!

jo utar ke zeena-e-shaam se teri chashm-e-Khush mein sama gaye

wohi jaltey bujhtey se mahar-o-maah mere baam-o-dar ko sajaa gaye

yeh ajeeb khail hay ishq ka main ney aap dekhaa yeh mojza

woh jo lafz meray gumaan mein thay woh teri zubaan par aa gaye

woh jo geet tum ne suna nahin meri umar bhar kaa riyaz tha

meray dard ki thi woh daastaan jisey tum hansii mein ura gaye

woh chiragh-e-jan kabhi jis ki low na kisi hawa se nigoon hui

teri bewafai key wasvsay usey chupke chupke bujhaa gaye

woh tha chand shaam-e-visaal kaa ke thaa roop terey jamal ka

meri rooh sey meri aankh tak kisi roshni mein naha gaye

ye jo bandagaan-e-niyaaz hain ye tamaam hai voh lashkari

jinhein zindagii ne aman na di to tere huzoor mein aa gaye

teri berukhi key dayaar mein main havaa ke saath havaa huaa

tere aainey ki talaash mein merey Khwaab chehra ganva gaye

tere wasvason ke fishar mein tera shehar-e-rang ujar gaya

meri khwahishon ke ghubaar mein meray maah-o-saal-e-vafaa gaye

woh ajeeb phool sey lafz thay tere honth jin se mahak uthe

mere dasht-e-Khwab mein door tak koi bagh jaisey lagaa gaye

meri umer sey na simat sakey meray dil mein itney sawal thay

teray paas jitney jawaab thay meri eik nigaah mein aa gaye..!!

kon rok sakta hai..??

lakh zabt-e-khawahish k

be-shumaar iraady hon

usko bhool janay k

be-panah iraady hon

aur is muhabbat ko tark ker k jeenay ka

faisla sunanay ko

kitney lafz sochain hon

dil ko us ki aahat per

bermala dharaknay se kon rok sakta hai

phir wafa k sehra me

us k narm lehjy aur sogwaar aankhon ki

khushbu'on ko chhunay ki

justjoo me rehnay se

rooh tak pighalney se

nangay paaun chalney se

kon rok sakta hai

ansoun ki barish me

chahay dil k hathon main

hijar k musafir k

paaun tak bhi chhoo aaun

jis ko lot jana ho

usko door janay se

raasta badalnay se

door ja nikalnay se

kon rok sakta hai..!$!

Ye jo chara-gar hamare

Koi saath-e-rafaqat..

Sar-e-sham mangte they..

Inhen kya khaber k humne..

Tumhen sounp di hain rateN.. 

Tumhen daan ki hain ankheN..

Kbi tumne yeh bhi soocha..

K tumhare dil-grifta..

Pas-e-bam-o-dar akeley..

Kisi shama sokhta se..

Ye jo ker rahe hain baten..

Tumhen kitna chahte hain..

Tmhen roz-o-shab k dukh main..

Kbi bhoolna b chaheN..

Tou kabhi na bhool payeN..

K ye ehd-e-zindgi hai..

Jisy torna b chaheN.. 

Tou kabhi na tor payeN..!$!

Koi mujhko aisi daleel deY..

K main toot kr, Tairay naqsh kO..

Ankh ki patlyon say mita sakooN..

Koi mujhko aisi daleel deY..

K main dil say phiR..

Tere umr bhar ki rfaqtoun ko bhula sakooN..

Koi mujhko aisi daleel deY..

K main umr bhaR..

Teri yaad ka koi jashan hi na mna sakooN..

Agar aisi koi sabeel hai tou phir aazmA..

Jo nahi tou phiR..

Mujhe yaad kr, mujhe yaad aA.!!

Tujhey Khabar Bhe Nahi

Keh Teri Udas Adhori

Mohabtoon ki Kahani

Jo BaRi Kshadah Dilli Say

Hans Hans Kay Sun Raha Thah

Woh Shakhs Teri Sadaqtoon Per Fariftah

Bawafa Sabat Qadam

Keh Jis Ki JabeeN Peh

Zalim RaqabtoN Ki Jalan Say

Koi Shakan Na Aai

Woh Zabt Ki Karbnak Shiddat Say

Khamosh,Chup Chap

Mar Gaya Hai ..!!

MOhabbatOun Ke Safar Mein kOii

jUdaiyOun Ka jO Lamha Aaye

tO ChahtOun Key Safeer lOgo

BiCharney WallOun Ko rOk lAina

wO Laakh tUm kO Naii RutOun Ke

HASeen Lamhien Bantien

jUdaiyOun Key Siyaah RaStOn Sey

WapSii Ka Sarab Baantien

TO Un Kii BaatOun

HaSeen WadOun Ka Dam Na Bharna

YaQeen Na Karna

Ke WaPsii Kii TaVeel mUSafatOun Sey Palat Key Aana

bOhet Kathin hAi

kOii Agar lOtna Chahey

tO Beetay LamhOun Kii Taiz Aandhii

Tamam VadOun Kii ROshnii Cheen Kar

AndhairOun Ko Baant-ti hai

Kisi Ki AankhOun Key ManzarOun Sey

Waffa RangOun Ke Khatam hOne Ka

KhOuf Bhi Dil Ko ROkta hAi

Aur Iss Tarah FaaSlOun Mein KhOye hOye Kabhi Bhi Nahi Palat-tey

jUdaiyOun Key RaaStOun Mein mUntazir lOg Apney Apney Diye jAlaye

Bas Eik RaStey Ko Dekhtey hAin

Naii RutOun Key HaSeen LamhOun Key

Khwaab AankhOun Mein tOot-tey hAin

BiCharney Waley jUdaii Key RastOun Mein Baithey

BiKhartey KhwabOun Ki KiRchiyOun Ko Samait-tey hAin

BiCharney Walo Agar Na tUm Ko YaQeen Aaye

tO Meri AankhOun Mein Raiza Raiza

BiKhartey KhwabOun Ko Dekh Laina

Jinhien ChahOn Samaitna Bhii tO Meray Bas Mein wO Ab Nahi hAi

TO Roshnii Key Safeer lOgo

BiCharney WallOn Ko rOk Laina..!!

Hum ne soch rakha hai

Chahey dil ki her khwahish

Zindagi ki ankhon se

Ashk ban k beh jaye

Ghar ki sari deewaareyn

chhatt sameyt gir jayen

Or be muqader hum

Is badenn k malbey mein

Khud hi kiun na dabb jayen

Tum se kuch nahi kehna

Kesi neend thi apni

Kesay khwaab thay apney

Or ab gulabon per

Neend wali aankhon per

Nerm-khoo se khwabon per

Kiun azaab tootey hein

Tum se kuch nahi kehna

Ghir gaye hein raton mein

Be libas baton mein

Is terha ki ruton mein

Kab charagh jaltey hein

Kab azaab taltey hein

Ab to in azaabon se

Bach k bhi nikalney ka

raasta nahi janaan !

Jis terha tumhein sach k

laazawaal lamhon se

Waasta nahi Janaan !

Hum ne soch rakha hai

Tum se kuch nahi kehna..!!

abhi kya kahain abhi kya sunain 

ke sar-e-faseel-e-sakout-e-jan 

kuf-e-roz-o-shab pe sharar numa 

wo jo harf harf charag tha 

use kis hawa ne bujha diya 

kabhi lab hilenge to puchna 

sar-e-shehar-e-ahad-e-wisal-e-dil 

wo jo nikhaton ka hajoum tha 

use dast-e-mauj-e-firaq ne 

tah-e-khak kab se mila diya 

kabhi gul khilenge to puchna 

abhi kya kahain abhi kya sunayen 

yun hi khwahishon k fishar main 

kabhi be-sabab kabhi be-khalal 

kahan kaun kis se bichar gaya 

kise kis ne kaise ganwa diya 

kabhi phir milenge to puchna..!!